YATA Kanahei’s Small Animals Café by IZUMI CURRY (Closed)

下午同老婆同個仔係一田買野，一出來見到小丸子cafe而唔使等位，即刻被佢2個捉左我一齊入去朝聖。店內裝修好可愛，到處都是小丸子同一班同學的蹤影。我哋被安排坐圓卡位，坐椅上有公仔cushion 可以俾我地影相。餐廳隔離仲有大量精品供fans選購。老婆鐘意大阪燒，而個仔就好鐘意日式咖喱飯。大阪燒，有啲乾硬不軟滑，但以香港來講，質素不過不失。咖喱奄列豬扒飯:奄列都幾嫩滑，豬扒都尚算香脆可口，小肥不瘦，唔會太乾。不過咖喱味就唔夠濃味，未有日本風味。同埋，耳，點解唔係小丸子個樣嘅? 哈，好彩我唔係忠粉。另外點左個餃子雞亦，加埋餡料炸得漲卜卜，都唔錯，香脆得來內裏都還juicy。試過食過影完相，就夠了。