太興 (Moved) New Location

病入膏肓嘅我睇過好多唔同嘅醫生都仲係咳，聽朋友介紹入咗嚟元朗搵一個佢睇咗好多年嘅醫生，佢話佢開啲咳藥水同埋七彩藥丸食咗好快止咳。咁我就山長水遠嚟啊元朗，仲要返半日飯都未食，就快餓死。下午茶個星洲炒米份量都幾大唔錯，食落去微辣夠晒香，仲要真心讚一下配料好認真，平時星洲炒米我好憎食到嗰啲細細粒、透明、冇味道嘅 蝦米仔。但今次太興嘅係好大隻嘅中蝦，仲要有味道架囉！食得出少少鮮味，唔通元朗嘅海鮮係正啲仲要d炒蛋味道都OK, 有驚喜。冰鎮奶茶就唔使講啦！真心正！食完超方便落返去就搭西鐵走人。