遊園

Open Now

Now Closed

以前做工廠的時候經常聽到收音機都播放粵曲，自此就喜歡了，今日過嚟尖沙咀柯士甸道戲曲中心參觀一吓，原來入邊有間(遊園茶記)餐館，當然要入去開餐啦。餐館設計古色古香仲好有中國式的藝術，令人感受到溫暖舒服的感覺。雪蓮子蟲草花燉竹絲雞。燒味雙拼~揀咗金牌燒鵝拼化皮燒腩仔，燒鵝燒得皮香肉嫩。九層塔薑蔥粉絲蝦煲，將爽口鮮甜的大蝦爆炒後再加粉絲十分配合。經典台山臘味煲仔飯，煲仔飯有別於我們在大排檔吃的那種有飯焦，但係食到每粒飯都掛上了臘味的香味，另加了節瓜粒一起煮成，令到煲仔飯非常有質感。甜品~紅棗雪耳燉桃膠，不會太甜，好香紅棗味道再配上煙韌的桃膠，好有層次感。左邊係凍話梅陳皮梳打，酸酸甜甜非常開胃。