大業車仔麵

Open Now

Now Closed

唔知點解,次次睇完星爺既食神,都想去食車仔麵,因為覺得車仔麵要做得好食真係好難,湯底,配料樣樣都要精,唔係求求其其煮埋一堆就得.但係無奈地,好食既總唔係附近.但係想起屋企行一段路有間大業車仔麵好似開左好耐,就決定去試一下啦.呢條街成日都有渠味,真係好惡頂,好彩今次索唔到.先叫個魚蛋,沙嗲牛肉,羅白米線試一試,加凍飲就TOTAL:34.價錢合理其實一上場,我就覺得中伏,因為碗野好空虛.可能因為個碗太大.湯底淡淡的,無咩味道.魚蛋無咩彈性,魚味亦一般,牛肉好散,被鬆肉化整成零口感既肉.好彩羅白無渣帶少少甜.米線份量極為少,食完都幾唔滿足.所以食神講野真係值得參巧,係要用心先得