青花亭 (Closed)

地下舖面望落有啲細，因為叫左二人餐，二人枱要擺晒啲碗碟有啲難度，要快脆清左一碟收咁啲碟🙈單嗌有啲貴，計落好似叫餐抵啲，但lunch嘅話兩個女仔食份量會太多，夾硬食😂二人餐有兩個前菜，兩個主食(一扒一飯/粉)、兩杯drinks,餐湯x2加甜品。餐湯係出面都飲到嘅濃味蕃茄湯，用上青花圖案碗裝就特別好多;前菜揀了馬拉蜆&黑松露薯條，蜆新鮮份量算多，見隔離客係咁飲啲汁，但我覺得咸左啲😅意粉揀左明太子貓耳朵，貓耳朵個質地幾得意，明太子醬就無得輸嘅;另一主菜’保濕豬鞍’，一大pat蕃茄醬遮住晒個豬，冇乜美感😂一早切好晒嘅豬鞍肉好嫩滑，配埋幾舊清新菠蘿，味道係幾夾嘅！特飲啲名係幾得意嘅，一杯係吳三桂花天酒釀coffee,一杯係蔡少芬與謝霆鋒。coffee我就飲唔到酒味嘅，花味係要浸耐啲先有;另一杯就係洛神花檸檬梳打，洛神花味冇乜，雖然隻色好鮮艷。甜品只係普通嘅綠茶蛋糕，唔食house dessert可以原價減錢轉其他甜品嘅，見好多人叫’水清沙幼使乜坐飛機’影相,想試嘅記得要轉啦！