반찬앤쿡 Banchan and Cook (時代廣場) (Closed)

最近，這間的蛋包飯出現率超高，吸引咗我和朋友也一起來食飯打卡✌🏻鰻魚蛋包飯 (HK$112)店員送餐時會俾時間我哋影相和提我哋準備拍片，之後店員會係蛋嘅中間位置切開，蛋會由兩邊滑下包住底下啲飯。蛋好香蛋味，又軟滑。平時唔食咖哩飯嘅我都覺得好味😋，咖哩汁是甜甜地，一啲都唔辣。鰻魚分量都幾多，味道也不錯。韓式厚蛋三文治配沙律 (HK$68)好厚嘅滑滑玉子，咬落去係軟綿綿的口感，蛋味濃厚之餘仲有食到蜜糖芥末蛋黃醬嘅味道，有點驚喜😄。伴碟沙律可有可無，同價啦。焦糖炸雞年糕薯條 (HK$88)喜歡甜食嘅我覺得這碟小食拼盤好好味。一口size嘅炸雞，炸得酥脆，淋上滿滿的焦糖醬。年糕有煙煙韌韌嘅口感，又有些少焦糖味。連薯皮一齊炸嘅薯條可以原條食，也可以點啲茄汁和蛋黃奶油醬一齊食。