發記甜品 (Closed)

我地7個人去到食，見到餐牌d相真係好吸引，超級靚，d野食上到黎都係好靚。我地叫左杏仁糊，蛋白鮮奶，朱古力心太軟， 榴槤雪花冰，芒果雪花冰，榴槤浴缸布甸，鴨鴨芒果布甸(全名吾係好記得，大概係感)。杏仁糊:有小小药水味。蛋白鮮奶:幾乎冇味，亦吾滑。朱古力心太軟: 好甜而且有陣煙燻味。榴槤雪花冰:榴槤味好假，配吧紅豆醬好甜。芒果雪花冰:一開始食幾好食，但係食到尾死甜。榴槤浴缸布甸: 應該係雞蛋布甸入面加榴槤蓉，個布甸係勁難食。鴨鴨芒果布甸: 個布甸係同榴槤布甸一樣味，但係轉左加芒果。我地打算一路傾下計一路食，幾個朋友食完後，店員就一路望住我地，好有壓力。 價錢方面平均每樣都要50-60蚊， 我貴唔貴呀平唔平啦，但係呢啲質素真係好差。一定吾會再食。