老夫子餐館 (Closed)

個外表係幾靚既，啲菜式名係四字成語幾有心思。但味道好唔掂。上完菜未食之前，見到個外表好靚，加上咁貴，就自然覺得好好食。點知太失望了。講真，茶記仲好味過呢間，價錢同味道係唔成正比。我地幾個朋友，西餐、中式炒飯、扒都有叫，牛扒最敗筆既係叫3成熟佢比左8成熟，中式炒飯味道不過不失，意粉有味但唔夠入味。不過要讚嘅就係啲食物嘅擺位好靚，睇上去好高級，影相打卡呃到下人。總結：除咗門口加埋有五隻老夫子人物可以影相都冇乜特別。價錢偏貴（例如牛扒成＄200，但唔包餐湯同嘢飲，要自己加＄30先有湯）。只可以講，＄40嘅特飲拍得住個價錢，甜品冇試到唔知如何，主菜就真係要改善下。