岩鹽日本料理 (MOKO新世紀廣場)

Open Now

Now Closed

嗰日睇完戲搵唔到食咩，落咗樓下搵日本料理食。環境好大，有卡位可以選擇坐，可能去嘅時候比較晏，人流唔算多，唔使等位。因為時間都好啱唔想食太多嘢，我同朋友叫咗日本釜飯一齊食，跟餐嚟嘅時候會連埋一個「流沙」俾你計時間，即係個餐到咗嘅時候你要等到個流沙夠鐘先可以食，務求令食物嘅質素更加好。我覺得呢個方法都幾貼心，時間到咗我打開飯蓋，真真嘅米飯海鮮香味撲鼻，估唔到材料都幾足，有齊蟹子鰻魚帶子等等的食材，隔離仲有一個茶壺裝住一些湯，可以俾你食到一半整茶漬飯。