旺囍車仔麵 (Closed)

睇戲前，急急地要食野，車仔麵一定係其一選擇。蕃薯粉好軟身帶少勁。魚皮餃有3粒咁多，皮食落有點彈既，肉就不過不失。甜酸齋適當酸度，無被湯中和個汁。墨魚丸彈牙，切左個十字，所以好易咬開，墨魚粒硬硬地，有口感。通菜外，仲有d菜心，菜好多好抵，又無沙頭，同都翠綠色。加蔥代替湯底？另一個仲多豐富，都係蕃薯粉做底！秘製辣汁加沙嗲汁，濃味十足。魚肉春卷外皮少少脆，魚肉更點芋頭既勁咁，薄薄地。蟹子丸好似粒小湯圓，入面甜甜地既子。咖喱陳皮魚蛋，好辣口陳皮味重，朋友至愛！陳皮比較少見，新嘗試。生菜又係多喔。小食是秘製雞中翼，有菜做底。主味係滷水豉油汁，咬湯形式令啲汁入咗雞翼，好入味既。雞翼稍微煎過，個皮香口d。少少咸，但跟麵食都ok。雞翼肉質都嫩，未食到有雪味。凍檸檬七喜，自己倒入汽水，感覺乾淨多。另一杯就普通凍檸檬茶。