Dazzling Cafe (皇室堡) (Closed)

同友人睇戲前食個快晚飯，就揀左戲院附近嘅Dazzling Cafe! 喺香港開左咁耐，我係第一次黎咋！失禮晒我地叫左3個意粉黎share，各自叫自己嘅飲品，我就揀左水果茶。我都幾鐘意佢個水果茶，同其他西式餐廳唔同，佢唔係得個香味 (飲落就只有茶味果種)，佢杯入面有半杯水果，茶壺入面亦有橙，飲落甜甜地，又有水果香，好啱少女架！意粉陸續送到！烏魚子蒜香意大利麵一上枱就已經好香，撈均面頭嘅黃金烏魚子，每啖都有烏魚子，都幾香，唔會太咸。怕腥嘅朋友都唔洗怕，因為無魚子嘅腥味，不錯！依個帶子意大利麵係我嘅推介。佢係一個炒意粉，炒得好香，個醬汁有少少甜味，好入味，再加上嫩嫩嘅帶子，同魷魚，好味道呀！最後就係黑松露長通粉，都幾creamy，但唔會太heavy，有少少蘑菇配搭黎食，都唔錯架！整體黎講，依度d意粉都唔錯，唔會煮得過熟，好有咬口，而且味道不俗，分量亦啱啱好。