澤記快餐飯店 (Closed)

拜訪一下呢度嘅名物，巨型魚柳包😌見到個姨姨送餐嚟時，我眼都凸埋🤣洗唔洗大塊到咁呀🙈都唔知自己食緊包定魚柳🤣塊魚柳直情係小女子前手臂咁長。魚柳炸得好脆，係邊位有少少乾，但魚肉一d 都唔失色，仍然係好滑嫩。仲有，滿滿嘅千島醬鋪係魚柳上並夾雜住青瓜，蕃茄同生菜絲，真係生色不少。雖然環境係麻麻, 但呢d 先叫卧虎藏龍😋😋 咁大個包只係$34，大件夾抵食👍🏻食完飲返杯凍奶茶，簡直係透心涼😌👉🏻溫馨提示：茶檔係露天嘅，所以夏天去食會比較熱。由於份量真係好大下，女性應該一個人未必食得晒。