Video
Read full review
2022-12-13
64 views
📌 南대門3號 - 尖沙咀金巴利道65-67號太平洋大廈地下3號🗓(13/12) 星期二 ⏰ 晚上7點左右 💈特式：今日又途經尖沙咀韓國街，揀左間門面最有韓國風嘅餐廳去食，睇返英文譯音應該係叫南大門3號，上Openrice一睇，佢係尖沙咀都有幾間分店，我今次去呢間我估應該係3號分店掛，但發現2號店原來只係係隔離。🥩🍔🌭🌮🥗🥯🥘🍲🍝🍣🥟🍤🍱食物：今日雖然只有兩個人食，但唔知係咪因為天冷特別覺得肚餓，所以就叫左一個海鮮辣豆腐湯，一個雪濃牛骨湯同一個鐵板炒豬肉，等我又同大家講下🇰🇷味道先。一坐低就有4小碟前菜食，4款都好好食，問過職員仲可以無限refill的，其中最推介係個泡菜同韓式榨菜。海鮮辣豆腐湯 - 韓國食品中我都幾鐘意呢個海鮮辣豆腐湯，我覺得佢嘅存左就好比泰菜嘅冬蔭公咁受人注目，呢個海鮮辣豆腐湯只係$85，仲要包埋個飯，價錢方面就認真唔貴，味道帶香辣濃郁，材料亦都好多，同行朋友唔係太好辣，但結果比佢飲左大半有多。雪濃牛骨湯 - 同行朋友唔想每樣菜式都叫辣，所以就叫左呢個雪濃牛骨湯，佢都係包埋飯，但真心驚食唔晒，所以就叫左佢唔洗上個飯，呢個湯一上枱已經聞到好香牛味，湯底
🗓(13/12) 星期二 ⏰ 晚上7點左右
💈特式：今日又途經尖沙咀韓國街，揀左間門面最有韓國風嘅餐廳去食，睇返英文譯音應該係叫南大門3號，上Openrice一睇，佢係尖沙咀都有幾間分店，我今次去呢間我估應該係3號分店掛，但發現2號店原來只係係隔離。
🥩🍔🌭🌮🥗🥯🥘🍲🍝🍣🥟🍤🍱
食物：今日雖然只有兩個人食，但唔知係咪因為天冷特別覺得肚餓，所以就叫左一個海鮮辣豆腐湯，一個雪濃牛骨湯同一個鐵板炒豬肉，等我又同大家講下🇰🇷味道先。
一坐低就有4小碟前菜食，4款都好好食，問過職員仲可以無限refill的，其中最推介係個泡菜同韓式榨菜。
海鮮辣豆腐湯 - 韓國食品中我都幾鐘意呢個海鮮辣豆腐湯，我覺得佢嘅存左就好比泰菜嘅冬蔭公咁受人注目，呢個海鮮辣豆腐湯只係$85，仲要包埋個飯，價錢方面就認真唔貴，味道帶香辣濃郁，材料亦都好多，同行朋友唔係太好辣，但結果比佢飲左大半有多。
雪濃牛骨湯 - 同行朋友唔想每樣菜式都叫辣，所以就叫左呢個雪濃牛骨湯，佢都係包埋飯，但真心驚食唔晒，所以就叫左佢唔洗上個飯，呢個湯一上枱已經聞到好香牛味，湯底呈奶白色，飲落清清地又唔油膩，個d牛肉佢地係選用半肥瘦嘅牛腩，好香肉味，份量亦好多，我覺得比兩個中式麵舖嘅淨牛腩仲要多。
鐵板炒豬肉 - 呢個都係我其中一個鐘意食嘅韓國菜式之一，佢用鐵板上，上枱時仲熱辣辣，份量都好大堆頭，食落味道好香濃，用嚟送飯一流，d腩肉係連皮嘅骨腩位，皮位煙靭，又帶軟骨，真心正。
☕️🍵🥤🧋🍺🍷🥃🍹🧉🍾🍶🥛
飲品 - 餐廳有韓式燒酒/啤酒及其他罐裝汽水同韓式飲品。
🍽環境：餐廳環境好有韓式氣氛，位置都鬆動，衛生/整潔方面做得唔錯，裝修都係比較樸實，枱面空間都夠，上晒菜都仲有空間，坐得好舒服。
🤵🏻🤵🏻♀️🤵🏻♂️服務：大部分員工都真係韓國人，普遍都係用英文溝通，但服務態度都好好，熱情主動，除左同客人打招呼外，亦會盡力介紹菜式同講解食材等等。
💰💸價錢：叫左兩個主食湯鍋同一個鐵板小菜，埋單都只係$333，為返都係$100左右一款食物，價錢都算幾合理。
🐲💬總結：我覺得佢地食物質素都幾高，而且食到佢地個種韓式傳統味道，價錢都幾抵食，我相信我會再嚟試埋佢地其他食物。
推薦指數：❤️❤️❤️❤️❤️
四小碟前菜
1 views
0 likes
0 comments
海鮮辣豆腐湯
$85
2 views
0 likes
0 comments
雪濃牛骨湯
$110
10 views
0 likes
0 comments
鐵板炒豬肉
$138
17 views
0 likes
0 comments
Post
