濠苑茶餐廳

Open Now

Now Closed

星期日去花墟買花，順便要去祭祀下自己嘅五臟廟。見到有一間茶餐廳喺嘅花店中間，就入咗去食，見到價錢唔算太貴，我就嗌咗早餐b，有火腿通粉同埋雙蛋麵包，加一蚊就可以烘底，加多三蚊又有樽牛奶，就要哂佢地喇! 味道可以接受，而且食物上菜速度都好快，多士都好脆口， 煎雙蛋蛋汁啱啱好，可以點喺多士食。不過環境就唔可以期待太多，始終係茶餐廳嘛! 由於隔離係雀鳥公園，所以茶餐廳亦有位置比雀友有帶埋佢哋嘅寵物去入座，不過唔擔心係衛生嘅，食住飯都可以睇到唔同嘅雀鳥，都算係獨特嘅體驗。