Video
Read full review
2022-05-17
25 views
上網見到IG人哋話呢一間好食，跟住就同friend專登去呢一間喺好似小型food court嘅餐廳食。當日啲人唔係好多，一坐低有人嚟俾水，一舉手就有即刻人落單，其實服務真係唔錯。我哋就嗌咗個金邊粉、青咖喱雞肉飯同埋串燒Cambo。等咗應該大概15分鐘左右，首先就送咗個青咖喱雞肉飯（$62）上嚟，咖喱汁味道唔錯甜甜地，撈飯都幾好食，我自己食落就唔覺得辣，但係啲肉真係好少，啲雞大概就係手指大細嘅雞柳，個碗就好大啦，但係啲肉就得五六舊，啲配菜有椰菜花、西蘭花、蘿蔔同豆角，我同個friend都表示啲配菜仲好食嗰啲雞，我自己就感覺啲雞係用水烚熟再撈落啲咖喱，因為啲雞食落好明顯有浸腥味。（唔記得影相🫠🫠🫠）另外仲有個金邊粉（$75），其實我真係好期待，但係一食落好失望，佢個金邊粉炒到好淋一pat pat咁，啲汁好稠而且超甜，食落嗰陣味好似係茄汁炒😶🌫️😶🌫️我個friend話加咗辣粉會好啲，但係我哋都覺得越食越甜🤢，真係真係好似茄汁，甜到漏。（唔記得影相🫠🫠🫠）最後就係個串燒Cambo（$48），第一串我哋食咗牛，加咗佢啲沙嗲醬其實覺得都唔錯幾好食，跟住就食雞，燒得有啲乾，冇牛串咁好食，最後食豬串
當日啲人唔係好多，一坐低有人嚟俾水，一舉手就有即刻人落單，其實服務真係唔錯。我哋就嗌咗個金邊粉、青咖喱雞肉飯同埋串燒Cambo。
等咗應該大概15分鐘左右，首先就送咗個青咖喱雞肉飯（$62）上嚟，咖喱汁味道唔錯甜甜地，撈飯都幾好食，我自己食落就唔覺得辣，但係啲肉真係好少，啲雞大概就係手指大細嘅雞柳，個碗就好大啦，但係啲肉就得五六舊，啲配菜有椰菜花、西蘭花、蘿蔔同豆角，我同個friend都表示啲配菜仲好食嗰啲雞，我自己就感覺啲雞係用水烚熟再撈落啲咖喱，因為啲雞食落好明顯有浸腥味。（唔記得影相🫠🫠🫠）
另外仲有個金邊粉（$75），其實我真係好期待，但係一食落好失望，佢個金邊粉炒到好淋一pat pat咁，啲汁好稠而且超甜，食落嗰陣味好似係茄汁炒😶🌫️😶🌫️我個friend話加咗辣粉會好啲，但係我哋都覺得越食越甜🤢，真係真係好似茄汁，甜到漏。（唔記得影相🫠🫠🫠）
最後就係個串燒Cambo（$48），第一串我哋食咗牛，加咗佢啲沙嗲醬其實覺得都唔錯幾好食，跟住就食雞，燒得有啲乾，冇牛串咁好食，最後食豬串，一擺落口食完，我默默同個friend講句「叉燒」，而且食落超級乾，好難先咬得開，而且個豬個汁本身好甜真係好似叉燒🤯🤯
串燒Cambo
$48
0 views
0 likes
0 comments
買單盛惠$185，但係完全唔覺得值呢個價🤢🤢🤢特別係個金邊粉真係好難食
Post
