EL CID西班牙餐廳 (Closed)

除非各位想試西班牙特色菜，否則不去也罷，價錢都幾貴，每人準備三佰大元就可食大餐，所謂特色不外乎鹽焗魚、西班牙炒飯同墨魚仔等等，味道不大出眾，算係不過不失啦，其特色小吃叫多兩碟我恐怕你食不下主菜，因為都頗滯，所以人多就可以叫多幾款，但我建議唔好叫待應推介有乜好食，因為佢地會如數家珍咁不斷話食乜食物，但往往就唔考慮食唔食得晒，因為我試過有兩次同成大班朋友去食，為免點菜煩惱就叫待應幫我地推介，誰不知佢左點右點就叫o左一個成廿人都食得落o既大餐，雖然乜都有得食，但我地得個十二個人呀！所以我諗起都驚驚！