京林屋 (Closed)

睇完戲去食個甜品先，發現在圓方新開了京林屋，就二話不說入左去。經典日式裝修，百看不厭。以外賣形式經營，有別於銅鑼灣店，都有得堂食。新的草莓之戀限定好吸引。下單後取震動器等取食品，店家都好貼心，有自助水區。草苺抹茶蕨餅軟雪糕($58)新口味，以為佢淡粉紅色，唔會好濃郁，估唔到士多啤梨味都幾濃，入面仲有紅豆和抹茶蕨餅，夾strawberry又係幾新鮮的組合。抹茶紅豆年糕甜湯(熱/$52)，年糕好chewy，燒過仲有陣香味，底墊紅豆蓉，抹茶味濃帶甘澀味，滋潤之選。特製抹茶牛奶忌廉(熱/$48)，牛奶忌廉好滑，淡淡的抹茶香，唔錯。秘製抹茶蕨餅($88)用膠盒裝，好特別，不過以日本的美學設計來說，未免太hea。每次必食，已上癮，厥餅好煙韌，附抹茶粉和黑糖，自行調味，味道更香甜。特製林屋抹茶餡蜜($78)好豐富，有抹茶雪糕、蒟蒻、抹茶果凍、白玉、紅豆，令到抹茶控感到大滿足。