Video
Read full review
2018-04-15
626 views
去荃灣見到呢間野長期好多人等位，睇食評又見到d野食好似都幾有特色，所以就入去試試。等位等左差5多兩個鐘，想食嘅真係要預足時間等位。首先上枱嘅係個小小蘋果，認真一流，裏面係蘋果蓉，食落口味道好似M記嘅蘋果批嘅餡料，5係太甜而且都幾清新，值得食嘅👍左面係呢度嘅招牌菜黑金流沙，其實係流沙奶黃包，食落口流心程度好高，直情一夾，d奶黃餡已經爆出黎，不過唯一要彈嘅係奶黃餡比較稀。右邊嘅係肉鬆抓餅，一流嘅表現，肉鬆餡入口香，抓餅鬆軟，一定要兩者一齊放入口!上面嘅係荷花蒸飯，份量5多不過勝在味道好，餡料有蝦，雞肉，食落口有荷葉香，飯都好入味，值得試試。下面嘅係紫蓉豬豬，裏面係紫薯蓉，5係好甜，幾好食。呢個係鳳梨咕嚕，菠蘿係新鮮菠蘿，應該輕輕燒過，咕嚕肉做到外脆內軟，值得一讚不過咕嚕肉略為肥肉多。上面睇到嘅仲有食左一啖嘅陳皮燉梨，好甜，桂花蜜落得好重手，不過個人口味會希望佢5好太重手，因為輕手d嘅清甜同梨會更配合。呢個係點來聚聚，係墨魚汁餃，芋蓉豆沙，柚子蝦餃，酒釀棗糕同埋賽螃蟹餃，5樣野最特別嘅係柚子蝦餃，食落口有淡淡嘅柚子香味，配搭蝦，食落口感覺清新。之後加單再叫左個台佐豆腐，呢個豆腐十分入味，用左
首先上枱嘅係個小小蘋果，認真一流，裏面係蘋果蓉，食落口味道好似M記嘅蘋果批嘅餡料，5係太甜而且都幾清新，值得食嘅👍
小小蘋果，肉鬆抓餅，黑金流沙
48 views
0 likes
0 comments
左面係呢度嘅招牌菜黑金流沙，其實係流沙奶黃包，食落口流心程度好高，直情一夾，d奶黃餡已經爆出黎，不過唯一要彈嘅係奶黃餡比較稀。
右邊嘅係肉鬆抓餅，一流嘅表現，肉鬆餡入口香，抓餅鬆軟，一定要兩者一齊放入口!
荷花蒸飯，紫蓉豬豬
30 views
0 likes
0 comments
上面嘅係荷花蒸飯，份量5多不過勝在味道好，餡料有蝦，雞肉，食落口有荷葉香，飯都好入味，值得試試。
下面嘅係紫蓉豬豬，裏面係紫薯蓉，5係好甜，幾好食。
鳳梨咕嚕
22 views
0 likes
0 comments
呢個係鳳梨咕嚕，菠蘿係新鮮菠蘿，應該輕輕燒過，咕嚕肉做到外脆內軟，值得一讚不過咕嚕肉略為肥肉多。
上面睇到嘅仲有食左一啖嘅陳皮燉梨，好甜，桂花蜜落得好重手，不過個人口味會希望佢5好太重手，因為輕手d嘅清甜同梨會更配合。
點來聚聚
23 views
0 likes
0 comments
呢個係點來聚聚，係墨魚汁餃，芋蓉豆沙，柚子蝦餃，酒釀棗糕同埋賽螃蟹餃，5樣野最特別嘅係柚子蝦餃，食落口有淡淡嘅柚子香味，配搭蝦，食落口感覺清新。
之後加單再叫左個台佐豆腐，呢個豆腐十分入味，用左金華火腿，蠔黎煮汁，食落口味道好，都可以試下嘅。
食物5錯，但係服務完全5入流令我好矛盾，呢個豆腐等左30分鐘有多，追左好多次最後成8個字先送到枱，叫埋單，等左成兩個字都冇人攞單黎，出去埋啦，見d item啱，冇為意，諗住佢啱，點知發現明明4個人打左8個人收8個人嘅茶錢，真係好離譜，搞到要void單再祿過張卡，一間食物5錯嘅舖頭，食物質素反而咁差，實在可惜。
Post
