Video
Read full review
2018-11-13
517 views
適逢朋友生日，幾位好友得以聚埋一齊幫佢慶祝，美酒佳餚自然少不免。朋友話想食精緻嘅中菜， 但係又要環境靚 ，又要夠靜可以畀人傾計， 真係諗到有少少頭痕。幾經搜索之下，發現呢一間中華匯館有不少好評，決定一試。位置座落喺陸羽茶室嘅對面 ， 非常易搵，淨係門口都感覺非常有氣派。入到入面嘅環境都好高貴典雅， 環境非常舒服清淨， 正可以同朋友傾計，品嚐美食。等朋友嘅期間先來一道話梅南瓜， 南瓜咬落軟硬適中，煮得剛好，而且酸酸甜甜，有話梅嘅香味，亦有南瓜嘅甜味，作為開胃小食幾好。朋友來到就點左一道麻辣口水雞， 廚師將雞肉起骨切絲，再混合辣油及花生， 辣得來幾過癮，而且辣椒整得非常香口，辛辣刺激之餘，雞肉亦保持嫩滑， 對於嗜辣嘅我而言，非常唔錯。而呢一道脆炸九肚魚， 亦都係水準之作，炸漿非常之薄， 食落沒有油膩感覺，而且酥脆香嫩，外層脆皮包裹著鮮味嘅九肚魚，一脆一滑形成對比，再加上蒜香作伴， 真係欲罷不能。朋友更加忍唔住口，一個人食咗半碟，真是可惡至極！至於呢一味就係水煮星斑球， 以石鍋盛載著，上枱時仍然保持溫度，不斷冒煙， 雖然係水煮嘅做法，但係並冇遮蓋咗東星斑嘅味道。魚肉食落非常嫩滑鮮甜，肉質結實
幾經搜索之下，發現呢一間中華匯館有不少好評，決定一試。
位置座落喺陸羽茶室嘅對面 ， 非常易搵，淨係門口都感覺非常有氣派。
入到入面嘅環境都好高貴典雅， 環境非常舒服清淨， 正可以同朋友傾計，品嚐美食。
等朋友嘅期間先來一道話梅南瓜， 南瓜咬落軟硬適中，煮得剛好，而且酸酸甜甜，有話梅嘅香味，亦有南瓜嘅甜味，作為開胃小食幾好。
朋友來到就點左一道麻辣口水雞， 廚師將雞肉起骨切絲，再混合辣油及花生， 辣得來幾過癮，而且辣椒整得非常香口，辛辣刺激之餘，雞肉亦保持嫩滑， 對於嗜辣嘅我而言，非常唔錯。
而呢一道脆炸九肚魚， 亦都係水準之作，炸漿非常之薄， 食落沒有油膩感覺，而且酥脆香嫩，外層脆皮包裹著鮮味嘅九肚魚，一脆一滑形成對比，再加上蒜香作伴， 真係欲罷不能。
朋友更加忍唔住口，一個人食咗半碟，真是可惡至極！
至於呢一味就係水煮星斑球， 以石鍋盛載著，上枱時仍然保持溫度，不斷冒煙， 雖然係水煮嘅做法，但係並冇遮蓋咗東星斑嘅味道。
魚肉食落非常嫩滑鮮甜，肉質結實，微辣嘅味道更能帶出魚肉嘅鮮味。
而底下既芽菜同薯粉就比較吸味，加上湯底又唔小花椒，入口帶有鮮麻椒香。
至於話梅豬手則係朋友舉手盛讚嘅菜式， 豬手炆得入口即溶， 豬皮豬肉化成一體，口感綿滑。 食落滿滿嘅骨膠原，感覺非常幸福，而且話梅嘅味道好香， 帶有微酸甜嘅醬汁連同豬手嘅骨膠原一齊漿住嘴唇， 令人食到舐舐脷。
雖然食到半飽，但作為今餐嘅主角八寶鴨，一出場已經令人驚喜期待。
無他嘅，因為八寶鴨真係唔多地方有得食， 始終功夫繁複，而且好考師傅手勢， 有賣呢一道菜嘅菜館已經買少見少，估唔到呢一間咁現代嘅中菜館，居然有賣呢啲咁傳統咁大氣嘅菜式， 絕對不得不試。
侍應先幫我哋分好菜， 先每人一份，再將餘下嘅鴨另上。
八寶鴨顧名思義內裏有八種嘅材料，主要有蓮子、鹹蛋黃、薏仁、冬菇等， 將材料切碎，再釀入去骨嘅鴨入面。
鴨肉蒸煮過後再淋上醬汁， 吸收曬入面食材嘅味道，外面嘅鴨肉肉質軟滑， 再加埋入面鹹蛋黃嘅甘香，蓮子嘅甜， 冬菇嘅鮮， 實在係大滿足。
而最後出場嘅金貝雞米炒粉絲， 亦都冇令人失望 ，粉絲炒得乾身而有鑊氣， 加上炸過嘅瑤柱同雞米， 非常香口， 就算食飽咗，都不禁令人添多幾碗。
作為中環嘅高級中菜館，呢度嘅食物水準絕對冇令人失望，以四個人埋單二千蚊有找，食物水平同價錢成正比， 價錢亦都唔算太貴，但就可以享受到 傳統而精緻嘅中菜， 非常唔錯。
Post
