吹水館 (Closed)

其實這裡的食物不錯，價錢合理，但短髮的那位女侍應，服務態度真的是非常之差勁！大好長週末，天氣好好，就同家人驅車放狗。近近地來了這裡，因為呢度好多位可以泊車，又餐廳亦可以帶狗。原本可以一起食，不過在口味上各有所好，就唯有分道揚鑣，太座在云云食肆中選了這裡，因為有望到海又有落地玻璃，環境幾正。來的時候正是三點，可以叫下午茶。叫了蜜糖腸牛油厚多士及咖哩海鮮蛋包飯，飲品都要了熱咖啡。熱咖啡竟然比任何食物早上檯，不過最後才上的嗎？味道濃苦，也不算很差；食物賣相普遍幾好，比一般的茶餐規格好。厚多士塗了蜜糖及牛油再焗香，味道不會差，有點沙律菜伴底，蜜糖腸真的加了蜜糖去煎，甜甜的，太座幾滿意；我的蛋包飯都整得幾好，飯用了魷魚、蝦及魚肉等去炒過，配合日式咖哩汁，又係不會有難吃的道理的。雖然食物沒有什麼特色，但靚天氣加幾好的環境，也是賞心樂事。埋單67蚊，幾平。什麼都不錯，唯獨是有一短髮女侍應，服務態度是奇差。如她埋檯寫單，問：「食咩？」講左，佢又問：「飲咩？」食完佢收碟，劈頭一句：「食完未？」原全係茶餐廳水準，好唔掂。好在男侍應的服務不錯，如果不是真的一毫子小費都都會俾。