Video
Read full review
2019-02-17
73 views
餐廳分兩部份，地下係台式飲料店，亦同時係餐廳嘅水吧。由店內嘅樓梯拾級而上就係餐廳。灰色水泥牆、紅𥖁，木枱木櫈，帶點昏暗嘅吊燈，其中一面牆仲鋪咗大片綠色植物牆，感覺去咗間森林小屋咁。既然係台式飲品店，飲品自然多選擇，有鮮奶波波茶、海鹽芝士奶蓋茶、芝芝鮮水果雪沙、水果茶同純茶。價錢同樓下賣出嘅一樣。【芝芝芒芒雪沙$34】都幾大杯，厚厚軟滑芝士啱晒我呢個芝士迷，不過雪沙嘅芒果味稍為唔夠突出。【美好水果四季春$42】有好多種水果 — 橙、蘋果、檸檬、士多啤梨、百香果、荔枝，味道適中冇過甜，叫杯熱嘅可惜唔夠熱。【凱薩沙律$58配煙三文魚+$18】清爽沙律配微酸沙律醬，亦有脆口麵包粒，加咗$15有煙三文魚，味道更豐富。【炭燒和牛配三文魚籽$68】有牛柳粒、青瓜粒、蕃茄仔，上面鋪咗木魚，用鐵版上，夠晒熱度。【酥炸軟殻蟹$58】兩隻軟殻蟹，炸得熱辣辣又香脆，好惹味。【芝士焗波士頓龍蝦伴虎蝦帶子$188】大隻龍蝦配虎蝦同兩隻帶子。龍蝦肉爽彈，配芝士更滋味；帶子封煎得香口爽甜；虎蝦都幾入味。【美國安格斯肉眼$198】好大塊肉眼扒，而且都切得幾厚。叫咗五成熟，肉汁好豐富兼肉味濃郁，而且脂肪分佈均勻，油香同肉
由店內嘅樓梯拾級而上就係餐廳。灰色水泥牆、紅𥖁，木枱木櫈，帶點昏暗嘅吊燈，其中一面牆仲鋪咗大片綠色植物牆，感覺去咗間森林小屋咁。
既然係台式飲品店，飲品自然多選擇，有鮮奶波波茶、海鹽芝士奶蓋茶、芝芝鮮水果雪沙、水果茶同純茶。價錢同樓下賣出嘅一樣。
【芝芝芒芒雪沙$34】都幾大杯，厚厚軟滑芝士啱晒我呢個芝士迷，不過雪沙嘅芒果味稍為唔夠突出。
【美好水果四季春$42】有好多種水果 — 橙、蘋果、檸檬、士多啤梨、百香果、荔枝，味道適中冇過甜，叫杯熱嘅可惜唔夠熱。
【凱薩沙律$58配煙三文魚+$18】清爽沙律配微酸沙律醬，亦有脆口麵包粒，加咗$15有煙三文魚，味道更豐富。
【炭燒和牛配三文魚籽$68】有牛柳粒、青瓜粒、蕃茄仔，上面鋪咗木魚，用鐵版上，夠晒熱度。
【酥炸軟殻蟹$58】兩隻軟殻蟹，炸得熱辣辣又香脆，好惹味。
【芝士焗波士頓龍蝦伴虎蝦帶子$188】大隻龍蝦配虎蝦同兩隻帶子。龍蝦肉爽彈，配芝士更滋味；帶子封煎得香口爽甜；虎蝦都幾入味。
【美國安格斯肉眼$198】好大塊肉眼扒，而且都切得幾厚。叫咗五成熟，肉汁好豐富兼肉味濃郁，而且脂肪分佈均勻，油香同肉香夾埋好正。
前菜同主菜都有沙律菜，配上甜中帶酸嘅沙律醬，開胃又均衡營養。再加上主菜係用木板上，夠晒田園風味。
Post
