Posh Coffee Club (Closed)

.低調的黑、灰店面，半地下室的空間。係人煙稠密嘅荔枝角分畫出一個獨有嘅喘息空間。整個空間都被清水石屎獨有嘅豐富嘅紋路、質感包圍。牆上一個個規則嘅圓圈係清水石屎嘅一大特徵。其實要做呢類型嘅牆身功夫真係唔少。一次澆注成形拆模後不加任何修飾，做唔做到光滑嘅表面不論係水泥成分嘅調配、灌漿時嘅速度、無可控制嘅天氣等都影響出嚟嘅outcome。可謂講唔完嘅學問🤭.店面接近一半空間係走廊及display，大約20個坐位空間闊落。排排坐嘅教室枱凳，如果以前讀書見到佢個透明枱面都米話唔驚😂.話說自從有佐買抹茶粉嘅習慣之後，好耐無係街飲Matcha latte。今次初訪快閃係午後嘅時間，都係飲杯熱嘅matcha latte🍵.小山園matcha latte (hot) $50抹茶濃度可接受，奶味較重且甜味突出。稍欠缺抹茶嘅回甘味，比較適合喜歡甜抹茶嘅朋友。