慢煮工業 (Closed)

今次去一間位於旺角近大角咀嘅工業風慢煮餐廳，鋪面細細，裝修係屬於舊美式風格，舒適又前衛。Lunch 時間唔算多人，叫咗兩個lunch set 第一個係All day Breakfast配芝士龍蝦 ，依個配搭我都係第一次試，感覺非常之唔錯，芝士半熔，龍蝦亦尚算新鮮，肉質彈牙，配上黑松露炒蛋，適合重口味嘅朋友，仲有個芝士大啡菇，非常多汁。第二樣就係BBQ 豬肋骨配沙律，豬肋骨經慢煮後骨肉分離，非常入味，醬汁偏甜，沙律菜尚有一粒慢煮溫泉蛋，刺穿後撈埋啲菜一齊食，健康有營養。飲品方便就有伯爵紅茶。另外值得一提就係呢間餐廳採用自助服務形式，所以係唔會收加一服務費，醬汁餐具都係自己攞，無需他人代勞。