Video
Read full review
2013-01-12
519 views
閒日OFF，去搵朋友食飯，佢要開工就佢地方，去咗牛頭角工業區食，心諗“死啦，呢D位置無野好食嫁WOR，又大乜乜，大物物呀！？定係D傳統嘅工廠快餐食堂？！點知佢話附近開咗間好正嘅意大利西餐廳，叫我一齊試下！！！工業區嘅西餐廳，搵都驚難搵，但朋友教路原來很容易，由牛頭角地鐵站出，對面已經有去傲騰中心（OCTA TOWER）嘅SHUTTLE BUS，搭到總站落車隔離間工廠大廈便是所在地大平洋中心！！再唔係喺在牛頭角地鐵站出向番九龍灣方向行為10﹣15分鐘，觀塘官立小學對面有專線小巴68號，一樣方便！！我貪小便宜選了前者～電梯大堂咁多部𨋢，有朋友指示在LIFT LOBBY2，選擇1號或4至6號嘅𨋢，就可以好易好直接咁到達目的地，一間叫”Precious"嘅西餐廳。真估唔到工業中心內竟可別有洞天，門面靚之餘裡面亦唔失禮，陳設充滿藝術氣息，圍著牆邊是用畫框掛著很多歐美的電影海報，吧枱前陳設的盆栽原來是各種新鮮的香草！！大廳上不規則的吊著懷舊FEEL的烏絲燈，單是陳設已很討好！！相信當區工作的人除了多個飯堂之外，在此蛇竇叉叉電減減壓都認真唔錯！！講番食物先，叫咗個“忌廉磨菇蝸牛意大利飯，配是日西湯甘
工業區嘅西餐廳，搵都驚難搵，但朋友教路原來很容易，由牛頭角地鐵站出，對面已經有去傲騰中心（OCTA TOWER）嘅SHUTTLE BUS，搭到總站落車隔離間工廠大廈便是所在地大平洋中心！！再唔係喺在牛頭角地鐵站出向番九龍灣方向行為10﹣15分鐘，觀塘官立小學對面有專線小巴68號，一樣方便！！我貪小便宜選了前者～
電梯大堂咁多部𨋢，有朋友指示在LIFT LOBBY2，選擇1號或4至6號嘅𨋢，就可以好易好直接咁到達目的地，一間叫”Precious"嘅西餐廳。
真估唔到工業中心內竟可別有洞天，門面靚之餘裡面亦唔失禮，陳設充滿藝術氣息，圍著牆邊是用畫框掛著很多歐美的電影海報，吧枱前陳設的盆栽原來是各種新鮮的香草！！大廳上不規則的吊著懷舊FEEL的烏絲燈，單是陳設已很討好！！相信當區工作的人除了多個飯堂之外，在此蛇竇叉叉電減減壓都認真唔錯！！
講番食物先，叫咗個“忌廉磨菇蝸牛意大利飯，配是日西湯甘筍忌廉湯，（此餐廳的SET是湯或飲品二擇其一，已向老板建議可否優惠價加錢飲埋嘢，睇下遲D會否從善如流！）忌廉磨菇蝸牛意大利飯即叫即製亦唔係等好耐，飯粒飽滿不太硬，忌廉汁濃濃的黏在飯粒上，調味亦恰到好處，好似有點黑松路的味道唔知會唔會自己攪錯～蝸牛煮得很淋，鬆軟有咬口但唔韌，看似份量細但切勿低估，男人食都覺得很飽肚～甘筍忌廉湯濃厚有甘筍香，如果熱D時飲更正！！新張埋單有八折，41元完美滿足的一餐，仲想點！？
Other Info. :
和老板閒談得知佢一直很想開一間這樣藝術FEEL的西餐廳，佢喜歡意大利菜同FUSION菜，又喜歡藝術及電影，所以開設了這間PRECIOUS，開在工業區咁隔涉是由於一般的街鋪，就算位置普通租金都實在負擔不起，要實現理想有點逼不得已唯有選擇些較隔涉偏遠的地方，希望誠意及大眾化之價錢可殺出條血路！！原來老板好歡迎人利用這裡的畫框陳設作品，各位藝術發燒友可多一個展示作品的機會！！
我寫過食評的餐店很不幸在這地產霸權及加租狂潮下，有兩至三間已經結業，很希望大家給予這些誠意小店，獨立小店多多支持，讓它們可以生存下去。
(The above review is the personal opinion of a user which does not represent OpenRice's point of view.)
Post
