DAY22 STEAK

Open Now

Now Closed

最近天氣勁凍，所以好想食熱辣辣既食物。去完朋友家行過見到哩間主打石板燒既餐廳，價錢好性價比，份量對女仔黎講都好多。好值得一提既係店員非常熱情貼心既招待真係值得一讚，佢地會推介食物，又幫你攞紙巾遮住你嘅隨身物件黎防止油彈到，仲會幫手煎牛扒👍感覺好窩心。安格斯牛仔骨+黑松露牛油好性價比，有2大片既牛仔骨，真係份量十足，有牛味又多肉。鵝肝配厚切美國平鐵牛扒（12安士)+蒜蓉牛油哩個真係超大件又厚，個人更推介哩個，因為可以更易煎到3至5成熟，更有口感。肉質好嫩，有肉味又有肉汁，加埋個外脆內軟既鵝肝真係好正，必試推介。我地加左一份套餐，加58就有酥皮湯，大飲品，同埋沙律，好豐盛。我地都好鍾意食洋蔥圈，見到有就一定叫，洋蔥圈係即炸既，熱辣辣又充滿洋蔥香😍最後真係食到好飽，原來仲有小甜品芒果奶凍，同朋友最後只要一個分享。