辨面館 (Closed)

同朋友喺中環買完嘢，佢話公司附近有一間麵店幾好食，原來係位於石板街旁邊的餐館，呢度嘅麵有別於一般潮州粉麵，主要是中式加上日式元素混合。慢煮溫泉雞湯麵雞湯真係好濃郁，應該是用雞骨熬製，一點也不味精，食麵之前我都飲了很多啖。佢哋用慢煮方法煮雞，再切到薄片，每片都超大塊，有點像日本的叉燒，但係一點也不鞋口。慢煮吉列豬扒擔擔麵豬扒先慢煮再炸，所以可以保持肉質嫩滑多汁，每一口咬落都好香脆。擔擔麵醬汁香辣味濃，有層次感。加埋啲辣椒油，更開胃！點了麵食同主菜，可以以優惠價加小食，我哋叫了很多款，包括龍抄手同香脆辣子單骨雞翼等。龍抄手皮薄餡多。單骨雞翼炸得香脆，滿口蒜辣味，真係一啖接一啖都停唔到口。另外，八珍甜醋雞絲沙律都好特別，用香港傳統的八珍甜醋來做沙律也是第一次見，原來味道十分夾，酸甜味道好開胃。最後還有一口鮮蝦炸雲吞，雲吞皮炸得金黃酥脆，蝦肉鮮甜彈牙，配上醬汁一齊食。一份四粒，我食哂都唔夠，實在好食！呢間辦麵館真係估佢唔到，位置雖然隱蔽，但是食物質素確實有驚喜，簡單的材料，但是喜歡他的創意和配搭，是值得支持的小店！