印尼餐廳 (Closed)

八十年代香港有好多印尼餐廳，由銅鑼灣駱克道到禮頓道，一間消失之後又到另一間，而尖沙咀依一間印尼餐廳一直經營到而家，真係一件不簡單嘅事！今日我又嚟尋回兒時嘅味道！印尼菜必點嘅沙律加多加多$82，獨特嘅醬汁依然醒謂惹味，配上蝦片和雜菜一絕！羊肉拼雞肉串燒$89，羊肉有肉洋不會有乾嘅感覺，而雞肉燒到有焦香嘅感覺，一定不可缺少就肯定係大量沙嗲汁一齊食！印尼炒飯$80，炒得好香顏色好看，仲有少少蟹肉響裡面添！椰汁雞$82,雞肉煮到好淋，而椰汁十分香濃，我最喜歡佢個汁不會太杰身，就算你食幾多都不會有滯的感覺！而我最鐘意落大量椰汁多到有少少湯飯嘅感覺，依啲就係我兒時嘅感覺兒時嘅味道了！最後飲左一個香濃嘅凍咖啡$30，令我有一個完全嘅晚餐！希望依個味道可以永遠保留！