Crumbs (Closed)

經過Crumbs門口，見到有78蚊兩杯普通杯優惠，平均唔使40蚊就有一杯，算係好抵食，就同友人每人一杯，聽聞鬆餅亦好出名，另叫一件與友人分享。普通杯可選兩款配料，見有石榴可揀。平日覺得食石榴好麻煩，冇咩肉食，紅色果肉如果染落衣物上又好難清洗，所以雖然知道佢蘊含抗氧化物有助抗衰老及美白，但甚少食用。依家有石榴已起果肉，食落乾手淨腳，當然要揀，另外再揀選藍莓，同樣抗氧化美顏。原味乳酪雪糕味道清新，酸甜開胃，食完唔會覺得太膩，佢奶味比較重，口感creamy，配上帶少少酸味生果味道好夾。芝士鬆餅細細件比較小巧，用手整開有好多餅碎彈出，鬆餅比一般的更鬆脆，好似食緊曲奇餅咁。芝士味亦算香濃。乳酪雪糕及鬆餅份量少少的做下午茶也不錯。