Video
Read full review
2010-10-07
516 views
未入秋己經忍唔住要打邊爐, 1個禮拜內o既第三次邊爐係去番物超所值o既泉記, 價錢同上年一樣依舊無變 $88, 任叫任食任拎任飲, 仲無時間限制.今年泉記照舊用石油氣爐, 每枱一樽細號石油氣, 非常懷舊, 而家出面都轉晒用 gas 爐或者電池爐, 未試過或想重溫石油氣爐可以嚟試下呀…首先叫個沙嗲拼芫茜湯底, 我全晚都只食沙嗲湯底, 因為不停加水情況下湯底都仲好濃但唔咸, 係呢幾年食過最正o既沙嗲湯火鍋配料方面: 都係大路o嘢不過幾新鮮 - 海鮮拼盤/蜆/肥牛/豬/雞/雞子/魚腩/鯇魚片/生蠔/牛栢葉/鵝腸/粉腸/芝士腸/墨魚腸/冬菇/金菇/生根/腐竹/豬膶/燒賣/獅子狗卷/各類丸… 而菜同粉麵粉絲就要自己出去拎飲品方面: 有2大個雪柜擺响出面任您拎 - 可樂/雪碧/橙汁/提子汁/檸茶/維他奶/麥精/綠茶/水/啤酒, 成枱成地都係樽蓋, 不知幾壯觀, 成晚最熱鬧就係呢個位置醬料方面: 當然有得自行混醬啦, 但果晚只得沙茶醬, 蔥同豉油, 比起上年遜色咗好多, 不過我相信遲d火鍋旺季實會多番好多醬熟食方面: 呢個係手快有手慢無, 每次拎一大盤出嚟, 唔係1分鐘都己經無晒, 而幾次嚟都有驚喜
今年泉記照舊用石油氣爐, 每枱一樽細號石油氣, 非常懷舊, 而家出面都轉晒用 gas 爐或者電池爐, 未試過或想重溫石油氣爐可以嚟試下呀…
首先叫個沙嗲拼芫茜湯底, 我全晚都只食沙嗲湯底, 因為不停加水情況下湯底都仲好濃但唔咸, 係呢幾年食過最正o既沙嗲湯
火鍋配料方面:
都係大路o嘢不過幾新鮮 - 海鮮拼盤/蜆/肥牛/豬/雞/雞子/魚腩/鯇魚片/生蠔/牛栢葉/鵝腸/粉腸/芝士腸/墨魚腸/冬菇/金菇/生根/腐竹/豬膶/燒賣/獅子狗卷/各類丸… 而菜同粉麵粉絲就要自己出去拎
飲品方面:
有2大個雪柜擺响出面任您拎 - 可樂/雪碧/橙汁/提子汁/檸茶/維他奶/麥精/綠茶/水/啤酒, 成枱成地都係樽蓋, 不知幾壯觀, 成晚最熱鬧就係呢個位置
醬料方面:
當然有得自行混醬啦, 但果晚只得沙茶醬, 蔥同豉油, 比起上年遜色咗好多, 不過我相信遲d火鍋旺季實會多番好多醬
熟食方面:
呢個係手快有手慢無, 每次拎一大盤出嚟, 唔係1分鐘都己經無晒, 而幾次嚟都有驚喜, 今次就有豉椒炒東風螺同椒鹽瀨尿蝦, 兩樣都好鮮味好入味, 食到大家lamlam脷
後記 : 一百蚊唔駛又有冷氣嘆又有電視睇, 簡直抵到爛, 不過真係要盡早去霸位, 未開始凍都己經爆晒場 !
Post