Grill'er 石燒扒專門店 (Closed)

大圍火車站出面一帶，餐廳可以話多不勝數，唔同國家唔同款式都有咁滯。揸車人士應該都幾鍾意係呢附近食嘢，因為門口可以泊到車。今次呢間石燒牛扒離火車站有少少距離，門面唔太大，坐位大約只有20個左右。用餐前係需要係門口自助售票機買左票先，機上面有寫明唔同部位既肉既價錢，有200g 同300g簡。購票之後交比店員就可以了。每個餐都包左沙律，白飯同湯，以上都可以任添既。石板好熱，切開後跟個人生熟口味煎煮就可以，但建議唔好煎咁耐，我哋一行三人都煎過咗龍，熟得滯。肉質就直接係價錢上反映左，豐儉由人啦。