茶餐廳2.0 (Closed)

百貨公司大減價，血拼完畢，當然要補充體力啦。大埔超級城地下新開了茶餐廳2.0。叫得茶餐廳，港式風味走唔甩，平民價格。晚市有超抵食的小菜套餐，常餐和石燒系列都係推介之選。甜品以雞蛋仔最為吸引。今晚點了兩個石燒系列，挪威鮮三文魚柳$88和德國咸豬手$108。石燒系列全部都係用燒都熱辣辣的鐵板上菜，把燒汁淋在原隻德國豬手上，立即滋滋作響，鐵板魔力十足。豬手肉厚，外層非常脆皮，內裡肉質保持鮮嫩，咸度適中。粗薯條在鐵板保溫下，食到尾仍脆口。挪威鮮三文魚柳，肉質嫩滑，上到鐵板啱啱好，一點腥味都無。甜品當然係香蕉千層雞蛋仔 $38雞蛋仔即叫即做，熱辣辣出爐，蛋漿調教得啱啱好，脆口兼蛋味濃郁，配上香滑嘅雲尼拿雪糕，估唔到佢同香蕉、雞蛋仔係咁夾，滿足晒視覺同味覺。北海道牛乳蛋糕$30 ，奶味濃厚，性價比十足，屬驚喜之選。雪泡變奏(跟餐$20）茶餐廳點少得足料羅宋湯。