滔滔甜品

Open Now

Now Closed

去元朗除咗好出名食涼粉嗰間甜品舖之外，其實亦都有好多其他甜品鋪嘅。今日就去左一間專食傳統糖水嘅鋪頭。店鋪較細，大概可以容納10個人到啦，裝修都算幾新穎喎。我點左一個雙拼，芝麻糊拼合桃糊。呢度標榜用石磨來磨芝麻同埋合桃嘅，所以我對佢嘅期望都幾高。甜品嚟到喇，真係好靚咁喎，聞到都幾香。食一口，無論芝麻或是合桃味都算香濃，不過略嫌米漿多咗少許，可能落多啲米漿先至達致滑口嘅感覺。甜度適中就啱晒我啦。鍾意食傳統甜品的朋友都可以嚟呢間試吓架。