鳴門魚湯麵亭 (Closed)

連續食左兩次，好味翻叮。推介石鍋豬軟骨烏冬（蕃茄湯底），熱騰騰，食緊都不斷有熱泡泡滾緊。豬軟骨好肉地，軟骨好淋易入口，份量足。蕃茄湯底濃，比較杰身，蕃茄迷一定好鍾意。仲叫左雞肉雜菌鮟鱇魚湯，我又唔覺得個魚湯特別鮮味，好似普通魚湯（可能我唔太識食魚啦）不過係招牌，所以仲貴過石鍋。另外要推介既係凡立貝黃金燒，好好味！放在貝殼上面，好特別既芝士底，配上小量菇菇。凡立貝雖然唔係珍寶，只係細細粒，但都好鮮味，賣相好靚！仲有燒秋刀魚，好香好鮮甜，又大條，正！仲試過蟹子沙律、南瓜蕃薯天婦羅，兩樣都麻麻地。店舖比較迫，有時要等位。但最讚既係即叫即整，我地通常要等二十分鐘先有得食呀。下次一定再來！