Video
Read full review
2016-07-13
170 views
經朋友介紹下, 去左旺角通菜街橫巷仔既一間韓國料理食左個dinner, 地方唔算大, 以石鍋系列做主打, 價錢約HK$80左右就有一個石鍋飯/石鍋烏冬, 而且小食款式比較多~前菜有韓式辣青瓜同泡菜------------------------------ 【蕃茄泡菜烤肉豆腐鍋】HK$68 轉韓國手打烏冬 +$6石頭鍋送到黎好夠熱, d湯仲滾下滾下, 好濃既泡菜味刺激味蕾…入面有大量泡菜, 有幾片烤肉, 烤肉既味道近似燒汁咁甜甜地, 再有超滑既豆腐, 配上幾片蕃茄…成個石頭鍋酸酸辣辣, 好醒胃!! 不過個鳥冬就比較普通, 唔太彈牙...【海鮮烤肉豆腐鍋】HK$70 跟飯有一隻爽口既大蝦、幾隻青口、魚片、同樣有超滑既豆腐, 低層再有韓國粉絲, 索左湯底既精華, 極之入味...個白飯係另上, 如果中意食湯飯既朋友, 成碗飯倒哂入去, 仲可以食到泡菜湯飯tim~【韓風一口雞】HK$39每件雞肉都細細件, 可以一啖擺哂落口, 炸過之前都冇咩油, 雞肉似係雞脾位部分因而比較滑~【海鮮蔥餅(6吋)】HK$55呢個蔥餅煎得非常香口, 而且算乾身, 唔太油膩, 煎餅入面有幾隻細細隻爽口既細蝦, 同埋香
前菜有韓式辣青瓜同泡菜
------------------------------ 【蕃茄泡菜烤肉豆腐鍋】HK$68 轉韓國手打烏冬 +$6
石頭鍋送到黎好夠熱, d湯仲滾下滾下, 好濃既泡菜味刺激味蕾…入面有大量泡菜, 有幾片烤肉, 烤肉既味道近似燒汁咁甜甜地, 再有超滑既豆腐, 配上幾片蕃茄…成個石頭鍋酸酸辣辣, 好醒胃!! 不過個鳥冬就比較普通, 唔太彈牙...【海鮮烤肉豆腐鍋】HK$70 跟飯
有一隻爽口既大蝦、幾隻青口、魚片、同樣有超滑既豆腐, 低層再有韓國粉絲, 索左湯底既精華, 極之入味...個白飯係另上, 如果中意食湯飯既朋友, 成碗飯倒哂入去, 仲可以食到泡菜湯飯tim~【韓風一口雞】HK$39
每件雞肉都細細件, 可以一啖擺哂落口, 炸過之前都冇咩油, 雞肉似係雞脾位部分因而比較滑~【海鮮蔥餅(6吋)】HK$55
呢個蔥餅煎得非常香口, 而且算乾身, 唔太油膩, 煎餅入面有幾隻細細隻爽口既細蝦, 同埋香蔥, 咬落件蔥餅feel到脆口, 值得推介!! 【炒韓國粉絲】HK$52
當中有蛋絲, 芝麻, 紅蘿白絲, 香蔥同埋東菇絲, 粉絲林度剛剛好, 唔會好糊口, 夾埋配料一齊食, 食到唔同既口感, 味道又夾…【韓式燒牛肋骨 (配生菜蒜片)】HK$80
底下有生菜索油, 燒牛仔骨咬落都算林, 容易咬開...牛肋骨煎得剛剛好, 味道似燒汁咁甜甜地, 夾埋蒜片一齊食, 味道更加香口! 圍住骨位果個邊有少少根, 非常有咬口, 超正!!!【韓國柚子蜜】HK$18
初初飲既時候覺得好甜, 但當d冰溶哂之後, 甜味又剛剛好, 食韓國野大多都辣既, 飲返杯柚子蜜中和一下, 又潤喉....不錯!其實呢間餐廳野食味道係唔錯, 可惜有個別待應既服務態度有點問題~ 希望食店可以在服務上改善一下就更佳!!!
Post
