小草十八怪石鍋米線 (Closed)

本身好鍾意食米線，成日去食唔同嘅米線☺️呢間米線都幾出名，今日終於約朋友仔去試。轉入女人街上一層就係，見到樓下係到做緊串燒。見到佢主要分為石鍋米線、荷葉飯、涼麵同埋串燒😍既然佢出名食米線，我哋就試咗佢個招牌金湯石鍋米線🥰主要嘅餸係肥牛、花膠、墨魚頭、魚片，而我覺得最出色係佢個金湯湯底😍辣辣地又同所有配料好夾，好想飲曬佢成碗湯。石鍋燒住啲餸keep住好熱，所以個米線都屬於偏淋既。另外，我哋叫咗個涼麵小辣，配菜係肥牛同埋海蜇😍夏天涼浸浸好舒服😌前菜我哋仲叫咗個雞腎☺️見到menu發現佢哋串燒都好親民，我哋都叫左啲試下，燒茄子、燒雞軟骨、燒豬腩肉同埋燒豆卜🥰性價比好高好耐冇試過嗌咁多嘢食，買單只係二百幾蚊，我哋仲叫咗杯青檸梳打。