點饌 (Closed)

今日去朋友公司搵佢，諗住同佢傾下嚟緊嘅細節， 咁啱又係食飯時間，朋友就話搵個地方坐低慢慢傾。朋友就話食點心，我就介紹話上次踏單車食過有間唔錯，佢就話另一間試過未，我點知有另一間姐，一於去試一試。裝修個格局，中式得嚟帶點新穎。隻雞好可愛。點了金魚餃， 新派點心，外形上面已經好有趣，食落味道都唔錯，算係正常嘅，味道有啲似以前嘅懷舊魚翅餃。大王流沙包， 外型好搞笑，好似戴住副黑超咁， 個包皮做得唔錯，完全唔笠口， 新派得嚟不失中國傳統， 流心奶黃超級流心，一開就完全流心， 爭啲整到成手都係。一口鮑魚酥， 外型真係有啲似鮑魚 ，不過呢隻嘢唔好睇小佢 ，真係好勁， 冇返咁上下quota都唔好挑戰。鳳梨小金雞， 可愛小雞雞， 其實即係鳳梨酥，新鮮嘅鳳梨酥味道不錯。上次食過 傳統嘢， 今次再試新派， 都有另一種風味，兩者都唔錯， 下次再食過。