搞餃鎮

Open Now

Now Closed

食過搞餃鎮都好幾次，今次就寫下，印象佢嘅餃子大大隻，好味足料選擇多！餃子製作好有誠意，佢哋有唔少創新味道嘅餃子，分為三個系列(經典、風味、養生)。據知湯底會每隔一段時間轉一轉款，我之前試過佢哋嘅雞湯、魚湯，最近就轉咗做蘿蔔粟米豬骨湯底。今次同朋友試咗養生三拼，可以揀湯餃或者煎餃，我哋揀咗湯餃，「三拼」可以一次過食三款唔同嘅餃，養生三拼包括：紫菜粟米豬肉餃、帆立貝萵荀鮮蝦餃、准山野菌雞肉餃，三款都好大隻好鮮味！個人特別鍾意准山野菌款，准山味鮮甜。另外叫咗煎餃：帆立貝萵荀鮮蝦餃，熱辣辣，裡面有原粒帆立貝，好正！仲嗌咗風味小食，麻辣皮蛋，同黑、白豆漿各一支，大滿足！