一喜‧拉麺

Open Now

Now Closed

每次經過石門站，都會見到呢間拉麵店。今晚唔想食飯，咁就不如食呢間拉麵啦。餐廳位置非常方便，環境乾淨整齊。餐牌有好幾款拉麵選擇，另外仲有小食同飲品。腹滿套餐就比較抵，任何一款拉麵再加$30就包埋小食同飲品。醬油清湯叉燒拉麵：期間限定拉麵，醬油湯底清甜，清爽，唔會覺得好膩。調味亦剛好，唔會話好鹹。叉燒大大塊煎過夠香，旁邊木耳爽口，仲有半隻糖心蛋，加埋蔥花同芝麻就更加香，整體唔錯，有驚喜。辣肉味噌豚骨湯拉麵：叉燒有兩大塊，同樣係煎香過。呢款拉麵係一隻糖心蛋，咬開中間流心剛好，處理得幾好。湯底味道好濃，帶少少辣，拉麵都幾吸汁，幾好食。羽根燒餃子：外皮燒得夠焦香，裡面係豬肉同椰菜，點埋餃子汁仲好味。芝士天婦羅無骨雞翼：雞翼鋪滿芝士，仲可以拉絲，正! 外皮炸得好香，咬落去係脆，肉嫩，夠juicy。我最鐘意佢無骨，啱晒我D懶人。飲品：信州蘋果梳打蘋果味香，果汁味重。靜岡綠茶可樂幾特別，綠茶味可樂又幾好飲。