Video
Read full review
2020-08-15
553 views
【石門美食💛】前日去咗位於沙田石門性價比好高嘅西式café食午餐上2個post了咖啡照今次輪到分享佢哋嘅美食啦去到時已是中午2點鐘 客人比較少可以任意選擇位子店面都幾大 座位都舒適闊落我哋最後揀咗坐落地玻璃窗邊諗住會採光好啲但個位冇乜冷氣所以幾熱建議大家坐較入面嘅位置會舒服啲♠️精選生蠔兩隻+$48我哋叫咗4隻，師傅揀咗愛爾蘭🇮🇪生蠔比我哋，食落口好新鮮！雖然唔算大隻，但好鮮甜+ creamy，正！👍🏻♠️是日餐湯配蒜蓉包+15濃郁嘅忌廉南瓜湯，濃到似羹，滑得嚟甜甜哋。♠️加拿大無骨豬扒配燒汁$138炭香十足，肉味好濃，肉質有咬口得嚟唔鞋，邊邊位仲好香脂肪嘅味道，同個燒汁好夾，唔會過咸。♠️炭燒美國特級牛肩扒$158哩碟都係炭香味撲鼻，叫左五成熟，睇佢嘅顏色粉嫩粉嫩咁就知好夠軟熟，肉味濃度中等，以哩個價錢算是超值。另外，薯條🍟啱啱炸起，熱辣辣脆卜卜，好好味！♠️House wine +38酸酸甜甜好清新♠️Flat White (忘記了價錢😝）咖啡味好夠濃，我見到咖啡師好用心地拉花，好值得一讚⭐️。➖➖➖➖➖➖➖➖➖➖➖➖➖➖➖➖💖食物質素嚟講，我哋叫嘅樣樣都好味，調味恰到好處，惹味得嚟又唔會太濃太
前日去咗位於沙田石門
性價比好高嘅西式café食午餐
上2個post了咖啡照
今次輪到分享佢哋嘅美食啦
去到時已是中午2點鐘 客人比較少
可以任意選擇位子
店面都幾大 座位都舒適闊落
我哋最後揀咗坐落地玻璃窗邊諗住會採光好啲
但個位冇乜冷氣所以幾熱
建議大家坐較入面嘅位置會舒服啲
♠️精選生蠔兩隻+$48
我哋叫咗4隻，師傅揀咗愛爾蘭🇮🇪生蠔比我哋，食落口好新鮮！雖然唔算大隻，但好鮮甜+ creamy，正！👍🏻
♠️是日餐湯配蒜蓉包+15
濃郁嘅忌廉南瓜湯，濃到似羹，滑得嚟甜甜哋。
♠️加拿大無骨豬扒配燒汁$138
炭香十足，肉味好濃，肉質有咬口得嚟唔鞋，邊邊位仲好香脂肪嘅味道，同個燒汁好夾，唔會過咸。
♠️炭燒美國特級牛肩扒$158
哩碟都係炭香味撲鼻，叫左五成熟，睇佢嘅顏色粉嫩粉嫩咁就知好夠軟熟，肉味濃度中等，以哩個價錢算是超值。另外，薯條🍟啱啱炸起，熱辣辣脆卜卜，好好味！
♠️House wine +38
酸酸甜甜好清新
♠️Flat White (忘記了價錢😝）
咖啡味好夠濃，我見到咖啡師好用心地拉花，好值得一讚⭐️。
➖➖➖➖➖➖➖➖➖➖➖➖➖➖➖➖
💖食物質素嚟講，我哋叫嘅樣樣都好味，調味恰到好處，惹味得嚟又唔會太濃太咸，絕對值得回頭！
💛而家除咗外賣有折，晌下午二點至六點堂食享有7折優惠，超級抵食！
Post
