鴛鴦奶茶 (匯貿中心)

Open Now

Now Closed

近依幾年都好興食熱香餅漢堡，不過之前要去日本先食到，依家都唔使啦，香港都可以食到，之前睇ig見到有人講係石門依間餐廳既早餐同下午茶時段都賣熱香餅漢堡，咁我就慕名去試下。我係星期六早上10點左右去，估唔到都幾多人食，餐廳係全自助形式，自己去收銀落單，自己搵位，自己取餐既，我地叫咗兩個餐，大概等咗10分鐘左右就有得拎啦。🔸熱香餅芝士火腿蛋牛油果醬漢堡配迷你麥皮首先講下熱香餅嗰個質地，佢係好厚實嘅熱香餅，上面有楓糖漿，又甜又鹹，雖然牛油果醬份量唔多但同芝士火腿夾埋一齊食味道好特別，都幾有驚喜。至於🔸熱香餅豬柳蛋漢堡，蛋煎得好香，同豬柳一齊食都一樣好夾，整體黎講真係算不錯，又抵食，兩個都係新鮮即整。