Video
Read full review
2006-04-01
18 views
今日正是Rugby seven開催大日子,本住收工落樓下間pub度充大頭鬼.突然收到Jeff兄個SMS,問今夜有咩搞,結果臨場有變,唔睇波番屋企先算,Jeff兄話想食辣野,我不如食韓國野吧.)比佢挑起條根,兩個人食不如叫多幾個,五分鐘內連發幾個電話比幾個食友,全部欣然赴會.整個流程,不消十分鐘,呢個即興飯局,算破左個人近年記錄.一行六人我,Jeff外,仲有閒遊,Glucose,Denny同剛回來的Cicely,勇闖老尖金巴利街清溪川.本來目的地豐園,實在多人到唔知仲要等到幾時.同埋個環境,又似乎唔多吸引.清溪川年前初開果陣吃過,好對辦.雖然家下在貴網入面,劣評多過好評,但相信點都好過隔離的莊園.都有幾耐,未吃過韓燒,近幾次只能吃些大盤細盤牛尾湯等,Cicely力爭之下,兩瓣齊來.是夜酒水供應商Jeff的白鶴日本米酒,每人飲少少,加十幾小碟前菜熱一熱身.前菜都幾多選擇,滑到一夾就跌的魷魚最深刻,泡菜唔算好刺激.燒烤部有必然正選的牛肋骨,尚有五花肉,牛小腸,田雞腿,仲有蜆等.牛肋骨同年前吃過一樣,牛味濃郁,香甜得很.五花肉切得薄薄,火喉剛好,燒得過火的話,真係同食煙肉無異.口感幾爽脆.肉味
一行六人我,Jeff外,仲有閒遊,Glucose,Denny同剛回來的Cicely,勇闖老尖金巴利街清溪川.本來目的地豐園,實在多人到唔知仲要等到幾時.同埋個環境,又似乎唔多吸引.清溪川年前初開果陣吃過,好對辦.雖然家下在貴網入面,劣評多過好評,但相信點都好過隔離的莊園.
都有幾耐,未吃過韓燒,近幾次只能吃些大盤細盤牛尾湯等,Cicely力爭之下,兩瓣齊來.是夜酒水供應商Jeff的白鶴日本米酒,每人飲少少,加十幾小碟前菜熱一熱身.前菜都幾多選擇,滑到一夾就跌的魷魚最深刻,泡菜唔算好刺激.燒烤部有必然正選的牛肋骨,尚有五花肉,牛小腸,田雞腿,仲有蜆等.
牛肋骨同年前吃過一樣,牛味濃郁,香甜得很.五花肉切得薄薄,火喉剛好,燒得過火的話,真係同食煙肉無異.口感幾爽脆.肉味夠.田雞腿就一般而已.無甚個人之處,燒蜆有分大細Size.大隻如Cherry Stone到細隻如蜆仔,大蜆非常鮮甜,連埋底部的汁一併吞下,鮮甜清澈,當個清湯也不為過.等如食生蠔,一定要連海水吞下才像話.牛小腸略略失色,口感很齦,幾難咬.
主菜來講,打頭陣的海鮮荵餅,做得幾脆口,用來送酒也不錯.生牛肉呢個又係眾人期待之作,閒遊一早比我之前眾韓國菜食評,加上之前大家在華順吃過越式生牛肉之後,似乎已經迷上癮.例牌生雞蛋雪梨絲蒜片來個大團圓.你問我好唔好食?我一定答好.但係解凍得未夠,尚有少少結霜之感覺.少少美中不足.
之前燒牛腸燒到濃情化不開,來個窩又如何?口感完全兩回事,做得頗稔熟,感覺良好,加上熱辣辣,外表好辣,實際唔多辣但又很鮮甜的泡菜湯底,兩碗到肚,非常滿足.最後追加石頭飯,整個石頭飯,我最寄望個飯焦,火喉點到即止,時間岩岩好,飯焦金黃香脆不過膿.係近年吃過的最有水準的石頭飯.
之前貴店在OR的食評,經常比人批評服務唔得,今夜我地除左等左十五分鐘才有位入座外,大致上無甚問題.無咩野十問九唔應,黑口黑面之類.
六個人千二多少少埋單,算係好合理價錢,比起油尖旺那些三四流港式放題韓燒,格調品味不知好多少倍.起碼幾名食友,都覺得幾滿意.OR食友,並不易服侍的.
兩日前車品品,今日韓燒,四日後又黎上海野.呢幾日開快車,仲密過打NBA,果頭征完西岸Seattle Sonic,今日作客Detroit Pistons.過兩日又要南下Dallas Maverick.不過同飲得,吃得,講得之人共桌,實在唔嫌多.
Post
