韓正屋韓國料理 (海壩街)

Open Now

Now Closed

去食韓國野，點可以唔食石頭飯? 於是今次，我就食左個雜錦雞肉石頭飯。一坐低，先飲啖熱茶，暖下過胃，然後就抱住期待既心情去等待雞肉石頭飯。上枱個陣，馬上感受到石頭碗的迫人熱力，為防痴底，我拿拿臨撈勻啲飯，汁，同配料。佢既汁呈微橘色，配料有雞肉，胡蘿蔔絲，翠玉瓜，豆芽等等，撈既時候不斷有熱氣冒出，好似炒緊飯甘，最後成功地冇整燶啲飯，跟住就大大啖擺入口。 入口先感受到微微焦香的飯粒，然後是有點辣的醬汁，咀嚼時就食到胡蘿蔔絲，翠玉瓜，豆芽的爽脆口感，當然少不得嫩滑的雞肉。出去食小炒，通常睇佢有冇鑊氣 我鍾意食石頭飯，就係想食佢個種"石頭氣"，即係個種新鮮熱煎的熱氣，依個石頭飯滿足到我既要求，而且餸料都幾多，我覺得幾滿意。