砂煲兄弟 (東港城) (Closed)

東港城行街行到氣咳，附近又好多鎖店，搞到無咩興趣食tea…咦！原來舊底中銀個位有間新野。砂煲兄弟？會唔會連小食都係砂煲呢？ 俾個門口吸引左，橫掂都行到攰，入去食啦。 卡位唔錯，坐得舒服，仲可以見到出面景色呢。 世界杯有特飲賣呀，不過我無咩興趣，下次先。好少茶餐廳有蝦多士賣啦，可能舊式食物都漸漸被淘汰。好有驚喜，可以呢度搵到細細個食開的小食。味道唔錯，仲有沙律伴碟減低油膩感。 我平時都健康開，所以食左炸野都會再叫多個沙律中和下。見到菜係好新鮮，完全唔會黃。不過溫泉蛋老實就比較難夾起食，我又唔鐘意拌勻，變左好似食唔到隻蛋咁。建議可以轉糖心蛋或白煮蛋好似抵食點。 話明係tea當然要食一食甜品啦，紅豆沙好正，入面有非常多一粒粒的紅豆。而且都唔會死甜，有好多出面賣的都係開粉，幾surprise 呢度無喎！望望下個menu原來其他小食都好正，有炸蝦雲吞，炸脾等等，煲仔飯都有新搞作-綠茶櫻花蝦鰻魚🤨，海南雞飯🤨，黑松露雞飯😏…下次有機會要試下。