霹靂南洋 (Ladder Dundas) (Closed)

喺IG見到新開咗間過江龍馬拉菜，有砂鍋打邊爐好特別，所以約埋朋友嚟試下。餐牌只有一版，招牌菜係砂鍋肉骨茶同霹靂仁當牛腩煲，仲可以加配料打邊爐。我哋兩個人點咗一個霹靂仁當牛腩煲，火鍋配料安格斯肥牛同大光麵。霹靂仁當牛腩煲用細細個gas爐煲住，一上枱就聞到好香咖喱牛味。仁當原來即係香港人叫嘅巴東，係源自印尼嘅一種咖喱，以香料、辣椒同椰奶燉煮牛肉。食落香料味道濃郁得嚟又唔會太鹹，辣度屬於小辣。唔好睇佢煲仔細細，牛腩份量都好多。牛腩煮得夠軟腍，而且煮到入晒味，啖啖香濃咖喱味食完牛腩就可以淥安格斯肥牛食，安格斯肥牛質素高，油花分佈均勻煲煲下得返好少湯，店員有主動幫忙加湯，湯唔係清湯而係咖喱湯，所以唔怕會溝淡晒個湯底。食完肥牛之後就淥大光麵，大光麵吸收晒咖喱湯嘅香味，而且彎彎嘅麵條非常掛湯除咗牛腩煲仲叫咗兩個小食，參巴辣醬炸豆腐表面脆身，參巴辣醬好香蝦醬味又夠辣，超惹味蒜油肥仔芽菜比平時食到嘅芽菜更粗身，食落口感爽脆，而且好香蒜油味整體嚟講食物質素高，仁當牛腩煲真係好好味，加入香港人最愛嘅打邊爐元素好有創意下次會再嚟試下另一招牌菜- 砂鍋肉骨茶。