雞米米

Open Now

Now Closed

米線愛好者呢日嚟到元朗搵啲未食過嘅米線試試，呢間米線有得椰子雞湯又有花膠雞都好吸引。今次叫左砂鍋椰子花膠竹笙雞米線同埋招牌砂鍋花膠竹笙雞湯米線，再加一個炸雞翼。招牌砂鍋花膠竹笙雞湯米線，一上枱仲係滾緊聞落都好香，普通雞湯底有啲偏咸，雞件都大件同嫰滑，花膠亦都好大塊，竹笙完全係好入味，不過米線有啲太林；椰子花膠竹笙個湯底就比較清甜，呢個雞件轉左豉油雞，但唔會太咸豉油味；炸雞翼炸粉少，肉汁都多，都值得一試，最後叫左一杯香水檸檬，少少偏酸但香精味都偏重，會寧願飲返普通嘅檸檬茶。