陶園燒臘飯店 (Closed)

煮飯煮到悶悶地, 又好耐無食過燒味, 一於買兩盒燒味加餸! 係佐敦陶園依d傳統燒臘鋪買就不嬲有保証, 門口隻鵝好攪笑, 好易認🤣夜晚都好多人買燒味飯, 今次就買左d叉燒同鵝下庄, 鵝脾大隻醒神, 入味咸香, 鵝皮位薄薄唔肥膩, 下面既脂肪唔厚但又好香鵝油味, 隻脾好有肉地, 正野!叉燒黎講識食一定係食肥架麻! 一啖入口滿咀油香, 個d肥膏位好甘香超正! 仲有滿滿蜜汁味, 加上少少燶邊焦香, 出色既叉燒應有既元素佢都有, 送飯一流!