Amour Corner (Closed)

萬萬估不到砵蘭街裡面竟然有間法國風小店，店內裝潢很有情調，而裝飾亦以巴黎為主。promotion item $128/半打蠔，對於我呢d蠔鬼，一定要試，左加拿大中南非，右愛爾蘭，三款都新鮮，recommend唔加醬食，而小弟試晒三款就偏好愛爾蘭蠔。食物太多選擇，都係揀set dinner,價錢合理。頭盤揀咗青蘋果鵝肝多士，鵝肝煎到好脆，重點竟然喺塊青蘋果度，市面通常淨係鵝肝+多士，多塊青蘋果令成件事清新好多。另一頭盤揀咗Parma ham,配鵝肝多士一流，Parma ham唔會太咸，味道適中。黑松露菌意大利飯，小弟乃係黑松露控，見到必點，黑松露味濃配以意大利飯，有水準之作。全日精選，食牛嘅一定要點，牛柳扒五成熟真係做到五成熟，坊間好多都會over cook，肉質好淋，牛肉味濃，牛扒嚟講煮法算係極高質。是日甜品 - 牛奶奶凍總結：餐廳食物質素極高，服務亦非常好，旺角價錢，中環質素，必會再來。泊車朋友，門口錶位可遇不可求，車場可選擇朗豪坊，行兩個block到餐廳。