粵 (Closed)

又係同屋企人食，又係唔到我話事嘅一餐；都好，因為成日要負責諗去邊度食嘢實在係一個頭痛嘅問題，而且，會失去咗試其他唔同種類食品嘅機會，因為通常自己都係去食自己喜歡嘅菜式。就好似呢次咁，如果係我話事嘅話，我就唔會知道有呢一間食肆嘅存在。喺酒店入邊嘅酒樓果然唔同啲，至少裝修同門面都高級啲! 另外，服務同招呼一流, 侍應一叫就立即到, 抵讚!!!8個人，等齊人就叫上，食落就覺得…….1)脆皮燒腩仔---皮夠脆，肉味都可以，但係SIZE就同平時食嘅細得多, 一啖都無2)鎮江餚肉---幾好味, 夠酒香!3)鎮江脆鱔柳---我個人就認為甜咗少少4)柚子脆蝦球---味道普通5)竹笙上素---好普通嘅菜一碟6)柚皮扣鵝掌---柚皮唔夠淋又唔夠入味，而鵝掌就竟然一啲都唔腍唔淋，失敗之作!!!7)釀蟹蓋---呢度出名之作, 但係食落麻麻, 太多酥皮嘅奶油味, 唔夠蟹味!8)蟲草花紅棗蒸龍躉頭腩---全晚令我最失望之作，做唔到身處一間酒店入邊嘅食肆、收咁嘅價錢，蒸條龍躉會係腥嘅!!!!!吊唔出魚嘅鮮味，又糟蹋咗一條咁好嘅材料!!!!!9)頭抽豉油雞---皮夠入沬肉夠滑10)飯同壽包---無上載啲相，因為唔夠位