御名園

Open Now

Now Closed

今晚去咗碧海藍天「御名園」，無論各方面，都可以比足🈵️分，好值得推薦給大家🥰只係簡簡單單叫咗個四人套餐，七百零蚊，可以話超級抵食，套餐嘅燉湯都好足料，好有藥材味，真係滋補養顏，每人平均都有兩碗👍🏻嘆完個靚湯之後，期待嘅「上湯焗波士頓龍蝦伊府麵」上場喇👏🏻蝦肉爽口彈牙，好入味，啖啖肉，連賣相都擺盤都好精緻，真係色香味俱全👍🏻清蒸沙巴海花球，火喉啱啱好，鮮嫩香滑，入口即化，靚魚即係靚魚😙黄金脆皮文昌雞，真正外脆內軟，肉嫩有雞味，食到大家嘴舐舐😋金蒜銀絲蒸聖子，Size啱啱好，不大不小，蒜香惹味，完美配搭，粉絲吸收晒所有精華，正😄神灣菠蘿咕嚕肉，相信唔使我介紹，大家一定食過，不過呢度真係整得超正，件頭適中，一口一件，鬆脆好味😋XO醬姬松茸炒黃金螺片，鑊氣小炒，盡顯廚師工夫🥰柚子蝦球，色香味俱全，入口清香，蝦肉爽口彈牙，好好味😍蟲草花鮮百合泡菜苗，清清地，滋潤吓腸胃，養生保健，分量十足👍🏻養生像形核桃包，更加要推薦給大家，裏面仲有啲合桃粒粒，好有咬口，食得滋味😜桂圓紅棗雪耳糖水，連糖水都精緻過人，真係不得不寫個服字，而且招呼周到，服務好，難怪咁多熟客幫襯，抵佢咁旺場🥰