御前大江戶日式料理 (Closed)

食放題，可以揀唔同既野去食，滿足左自己心思思既意慾。同朋友想一餐飯時間食耐少少，多數會選擇放題來一聚。同朋友揀左一間特別既放題，主打磯燒，晚上分兩段時間入座。幸好已經預先訂位，不用排隊等位就可以入座。食放題就要揀返包海鮮拼盤，價錢同唔包既其實相差唔多。見到海鮮拼盤都多款，有鮑魚、蟹鉗、蠔、扇貝、蟹膏蟹肉。每枱有一個爐，將海鮮拼盤的逐一放上去燒。第一次手忙腳亂燒海鮮，有張紙提示每一款海鮮要燒既方法同時間。對於燒海鮮，燒起上來原來有好多步驟，店員都會周不時望望燒得怎樣。食燒海鮮之餘，點都選擇一些放題小食。例如雞翼不過略為細小一點，味道不錯。雞軟骨串略為乾身，小小一串，要叫幾串先滿足。這款蟹捧壽司，是點得最多次的一款，細細一件，吃完又想點來吃。